Cynllun Cyfarwyddwyr Insight

Helpu cyfarwyddwyr sy’n dod i’r amlwg i ddod o hyd i’w traed yn yr ystafell ymarfer

Rydyn ni’n hynod falch o fod yn parhau â’r Cynllun Cyfarwyddwyr Insight i gefnogi crëwyr theatr lleol sydd â diddordeb mewn cyfarwyddo drwy gydol Tymor y Gwanwyn / Haf 2026 yn Theatr Clwyd.

Mae’r Cynllun hwn yn rhoi cyfle i un crëwr theatr lleol, yn gynnar yn ei siwrnai, “arsylwi” ymarferion ar gyfer cynhyrchiad sydd i ddod gan Theatr Clwyd. Mae’r rhai sydd wedi cael eu dewis yn ddiweddar wedi teimlo bod y Cynllun yn ddefnyddiol i’w datblygiad ac wedi adlewyrchu fel hyn –

“Mae’r Cynllun Cyfarwyddwyr Insight wedi bod yn gyfle anhygoel i mi ddeall mwy amdanaf fy hun fel person creadigol a chael cipolwg pellach ar amgylchedd gwaith proffesiynol. Mae cynlluniau fel hyn yn profi y gallwch chi oroesi fel artist o Gymru, gan fyw a gweithio yng Nghymru. Mae’n wirioneddol galonogol teimlo bod pobl eisiau cefnogi eich gyrfa chi.”

Em Dulson, Cyfarwyddwr Insight ar Tick, Tick… BOOM!

“Mae’r Cynllun Cyfarwyddwyr Insight yn gwneud yn union yr hyn mae’n ei ddweud ar y tun – mae’n rhoi cipolwg anhygoel ar y broses o gyfarwyddo. Mae’r cynllun yn caniatáu i rywun, fel fi, sy’n camu i’r ochr gyfarwyddo ar ôl 17 mlynedd o weithio fel actor yn y diwydiant, gael profiad nad ydw i erioed wedi bod yn gyfarwydd ag e o’r blaen, er gwaetha’r gwaith rydw i wedi’i wneud mewn ystafelloedd ymarfer. Mae bod ar ochr arall yr ystafell ac ymgysylltu yn yr holl gyfarfodydd, y sgyrsiau a’r cyngor sy’n cael ei ddarparu ar draws adrannau’r theatr yn gyffredinol, yn teimlo fel man lansio amhrisiadwy i lwybr newydd cyffrous rydw i wedi bod yn breuddwydio am ei ddilyn. Yr eisin ar y gacen yw’r croeso cynnes diamheuol gewch chi wrth weithio yn yr adeilad!”

Danielle Bird, Cyfarwyddwr Insight ar Cinderella

Am Cynllun Cyfarwyddwyr Insight

Mae’r cyfranogwr yn cael ei wahodd i ymarferion bob dydd Llun (neu ddiwrnod arall drwy gytundeb pawb) drwy gydol y cyfnod ymarfer, yr ymarfer technegol a’r sioeau ymlaen llaw. Mae hyn yn ei alluogi i ddilyn y broses o ddod â’r gwaith i’n llwyfannau ni a siwrnai’r cynhyrchiad. Nid yw’n gyfarwyddwr cynorthwyol a dim ond arsylwi’r broses yw’r nod. Mae’r Cynllun hefyd yn rhoi cyfle iddo ddechrau (neu barhau â) deialog gyda’r theatr ac i gael cipolwg ar greu gwaith ar gyfer ein gofodau ni.

Bydd yr ymgeisydd llwyddiannus yn cael gwahoddiad i greu “dyddiadur” neu “flog” am ei brofiad – y nod drwy hyn yw cefnogi ei ddysgu a’i ddatblygiad adlewyrchol, i ystyried sut gall gymhwyso ei ddysgu yn weithredol yn ei ymarfer ei hun a gellir ei ddefnyddio fel adnodd i siarad am y cynhyrchiad.

Bydd yr ymgeisydd llwyddiannus yn cael perthynas fentora hefyd gyda Kate Wasserberg, Cyfarwyddwr Artistig Theatr Clwyd, a Suzanne Bell, Cyfarwyddwr Stiwdio Clwyd, a thocynnau i weld y cynhyrchiad. Mae hefyd yn cael deialog gyda’r Cyfarwyddwr Cynorthwyol ar y cynhyrchiad.

Pwy all wneud cais?

Mae Cynllun Cyfarwyddwyr Insight ar agor i unrhyw un dros 18 oed sydd mewn cam cynnar yn ei yrfa. Ni ddylai fod â chredydau cyfarwyddo proffesiynol – ond efallai ei fod wedi creu gwaith ar lefel ymylol, fel myfyriwr, fel rhan o theatr ieuenctid neu drwy hyfforddiant arall.

Bydd ffi o £1,050 yn cael ei darparu i’r ymgeisydd llwyddiannus ar gyfer Cynllun Cyfarwyddwyr Insight – mae hyn yn cyfateb i £150 y dydd. Nid oes cyllideb i dalu am deithio na chynhaliaeth felly dim ond i artistiaid lleol y mae ar agor.

Ar gyfer y Cynllun hwn, rydym yn diffinio “lleol” fel rhywun sydd wedi’i leoli yn Sir y Fflint, Sir Ddinbych neu Wrecsam.

Sut i wneud cais

I wneud cais, cyflwynwch CV neu fywgraffiad cyfarwyddo cyfredol a mynegiant byr o ddiddordeb (dim mwy na 300 gair) sy’n amlinellu pam eich bod â diddordeb mewn arsylwi’r broses ar y cynhyrchiad yma a’r cyfarwyddwr penodol yma a’r cwestiynau sydd gennych chi wrth ddod i’r broses honno.

I wneud cais, cyflwynwch CV neu fywgraffiad cyfarwyddo cyfredol a mynegiant byr o ddiddordeb (dim mwy na 300 gair) sy’n amlinellu pam eich bod â diddordeb mewn arsylwi’r broses ar y cynhyrchiad yma a’r cyfarwyddwr penodol yma a’r cwestiynau sydd gennych chi wrth ddod i’r broses honno.

Applications are to be sent to stiwdio@theatrclwyd.com.

Os oes gennych chi unrhyw ymholiadau am y cyfle yma, cysylltwch â Stiwdio Clwyd ar stiwdio@theatrclwyd.com am ragor o wybodaeth

Cynyrchiadau Sydd I Ddod

Twelfth Night

gan William Shakespeare, wedi’i gyfarwyddo gan Juliette Manon.

Mae comedi fwyaf Shakespeare yn cael tro bywiog yn y sioe hwyliog, llawn parti, yma sy’n gliter i gyd.

Gellir dod o hyd i ragor o wybodaeth am y cynhyrchiad yma.

Cyfarwyddwr: Juliette Manon

Mae Juliette yn gyfarwyddwr ac yn artist amlddisgyblaethol o Ogledd Cymru. Yn ddiweddar, cwblhaodd gyfnod preswyl yn Theatr Clwyd fel derbynnydd Hyfforddeiaeth Carne i Gyfarwyddwyr yng Nghymru (22-24) ar ôl hyfforddi yn flaenorol yn y Royal Northern College of Music a Phrifysgol Manceinion. Mae’n angerddol am roi llwyfan i leisiau heb gynrychiolaeth ddigonol ac adrodd straeon ffantastig a gwirion drwy lens haniaethol.

Gwaith cyfarwyddo diweddar yn cynnwys: Nutcracker (The Alternative Cabaret) yng Nghanolfan Mileniwm Cymru, Lydia Merch y Cwilt (Eisteddfod Genedlaethol Cymru), Dysgu Hedfan (S4C), Ble mae trenau’n mynd gyda’r nos a chwestiynau mawr eraill bywyd (Y Cwmni), Ie Ie Ie (Theatr Cymru).

Fel Cyfarwyddwr Cyswllt / Staff: The Great Gatsby (Theatr Clwyd a The Guild of Misrule), Truth or Dare (Theatr Clwyd), The In-Between, (Theatr Clwyd a NYTW).

Dyddiadau

Llun 9 Chwe 2026	Dyddiad cau ar gyfer ceisiadau am Twelfth Night
Llun 16 Chwe 2026	Gwahodd ymgeiswyr ar y rhestr fer i gyfweliad ar-lein
(Yr wythnos sy’n dechrau ar) Llun 23 Chwe 2026	Cyfweliadau gyda’r ymgeiswyr ar y rhestr fer
Gwen 27 Chwe 2026	Hysbysu’r ymgeisydd llwyddiannus
Llun 16 Maw 2026	Wythnos sefydlu
Llun 23 Maw 2026	Ymarferion wythnos un
Llun 30 Maw 2026	Ymarferion wythnos dau
Maw 7 Ebr 2026	Ymarferion wythnos tri (nodwch newid y diwrnod oherwydd gŵyl banc)
Llun 13 Ebr 2026	Ymarferion wythnos pedwar
Llun 20 Ebr 2026	Arsylwi ymarferion technegol
Llun 27 Ebr 2026	Mynychu sioe ymlaen llaw
Mer 29 Ebr 2026	Mynychu noson i westeion
Gwe 1 Mai 2026	Cyfarfod gwerthuso / strategaeth ymadael

Atlantis

gan Emily White, wedi’i gyfarwyddo gan Guy Jones

Premiere byd o ddrama arobryn. Tra mae Bryn yn brwydro i achub ei gartref rhag y tonnau, mae Gwen a’i hwyrion yn mynd allan i’r strydoedd i achub y blaned gyfan. Mae’n amser am stori newydd.

Gellir dod o hyd i ragor o wybodaeth am y cynhyrchiad yma.

Cyfarwyddwr – Guy Jones

Mae Guy yn gyfarwyddwr a dramatwrg sydd wedi cael ei enwebu am Wobr Olivier. Mae’n cyfarwyddo dramâu newydd ac adfywiadau cyfoes, gan ddod â gwaith o’r canon i gynulleidfaoedd newydd. Guy yw’r Rheolwr Gwaith Newydd yn Shakespeare’s Globe ochr yn ochr â datblygu rhestr o ddramâu newydd ar gyfer theatrau ledled y wlad.

Mae ei swyddi blaenorol yn cynnwys Cyfarwyddwr Cyswllt Orange Tree, (2022-2024), Cyswllt Llenyddol Orange Tree (2014-2022), Cyswllt Creadigol yn Headlong (2020-2022) ac Artist Cyswllt yn Company Three (2011-2015). Yn Orange Tree, helpodd Guy i adfywio’r theatr ar gyfer cenhedlaeth newydd, gan ddod â phrosiectau fel Pomona, An Octoroon a Jess & Joe Forever yn rhan o raglen y theatr, wrth ddatblygu cynulleidfaoedd ac artistiaid. Yng ngwanwyn 2026, bydd Guy yn cyfarwyddo drama Gymreig arobryn Emily White, Atlantis, ar gyfer Theatr Clwyd a’r Chichester Festival Theatre.

Mae ei waith cyfarwyddo diweddar yn cynnwys: Blackout Songs (Hampstead Theatre, wedi’i enwebu am Wobr Olivier am Gyflawniad Rhagorol), O, Island! (Royal Shakespeare Company), The Climbers (Theatre by the Lake), Either (Hampstead Theatre), Doggerland (Audible / LAMDA), Out of Water, Mayfly, The Winter’s Tale, Twelfth Night (Orange Tree Theatre), Busking It (HighTide), Disnatured (Shakespeare at the Shoreditch Festival), Spokesong (Finborough Theatre), No Wonder (Gŵyl NSDF/24:7), Not Blue Green But Grey (ICT, National Theatre).

Gellir dod o hyd i ragor o wybodaeth am Guy yma.