Sbarcs

Rhaglen flaenllaw sydd wedi’i chynllunio i danio gwreichion parhaol o greadigrwydd ymhlith artistiaid ledled Cymru.

Mae’r rhaglen bwrpasol hon yn darparu datblygiad wedi’i deilwra ar gyfer crëwyr theatr o Gymru a’r rhai sydd wedi’u lleoli yng Nghymru. Yn y sector theatr cyflym, yn enwedig i weithwyr llawrydd, mae’r pwysau i gyflawni’n gyson yn ddi-baid, a does dim llawer o amser i adlewyrchu, datblygu neu ddyfnhau ymarfer. Mae gofynion goroesi yn lladd egni creadigol yn aml wrth i unigolion fynd ar drywydd swyddi, adeiladu gyrfaoedd, a chwblhau gwaith.

Mae Sbarcs yn ymyriad pwrpasol yn seiliedig ar yr hyn y mae cannoedd o weithwyr llawrydd wedi ei ddweud wrthym ni sydd arnynt ei angen – cyfle i gymryd cam yn ôl o gynhyrchu a chanolbwyntio ar archwilio a thwf. Mae’n ddechrau bach sy’n ein galluogi ni i gymryd amser i siapio pob fersiwn o’r cynllun o amgylch yr artist unigol, gan ddarparu amgylchedd pwrpasol a chefnogol sy’n annog dychymyg, trylwyredd artistig, a chynaliadwyedd.

Mae’r rhaglen yn canolbwyntio ar ddatblygiad personol a meithrin cymuned theatr gynaliadwy yng Nghymru. Bydd y cyfranogwyr hefyd yn cael eu cefnogi i fynd ymlaen a mentora talent newydd arall – gan hyrwyddo cydweithredu, adlewyrchu gan gymheiriaid, a dysgu sy’n pontio’r cenedlaethau.

Gyda diolch i Gyngor Celfyddydau Cymru am eu cyllid a’u cefnogaeth.

Dewch i gyfarfod y criw